Gabii Sa Kabilin 2017: Pag-handuraw Sa Karaang Sugbo (A Night Of Reminiscing The Old Cebu)

A people without the knowledge of their past history, origin and culture is like a tree without roots.
-Marcus Garvey-

IMG_20170526_184148-01.jpeg

@ Casa Gorordo

Wala ko damha nga mahimong usa ka espesyal sa akong kinabuhi ang Buwan sa Mayo. Espesyal, mahitungod sa usa ka kahigayunan nga akong nakita ug natuki ang Sugbo sa karaang panahon. Onse ka tuig na ang milabay gikan sa pag- mugna niining maong kalihukan nga gidalit sa Ramon Aboitiz Foundation Inc, kung asa atung mabisita ang nagkalain-laing musiyo sa Syudad sa Sugbo apan atung makita ang istorya sa Sugbo sa karaang panahon. Kini mahimong pagasalmutan sa publiko sa katapusang Biyernes, buwan sa Mayo. Ang maong kalihukan gi-inspirar gikan sa nagkalain-laing nasud sama sa Germany, Europa ug uban pa.

IMG_20170526_185444-01

Cultural performers from different Universities

Nganung ako man nabat-unan nga kini espesyal sa akong kinabuhi?

Isip usa ka Sugbuanon, gihigugma ko ang Sugbo! Ako nagahatag ug importansya sa Sugbo hilabi na sa kaagi niini. Sa tibook kung kinabuhi, karong ko lang natagaan ug kahigayunan ang akong kaugalingon sa pagtuki ug pag-handurawan ang Sugbo sa karaang Panahon.

IMG_20170526_162013-01

Kabilin Photowalk with Drift Stories (Groupie with Joseph and Aldrin)

Sa laing bahin, sa wala pa ko nisalmot sa maong kalihukan. Usa ka Cebuano blogger ang nagmugna ug usa ka aktibidad nga ginatawag ug “Kabilin Photowalk”. Usa kini ka kalihukan kung asa naga tapok ang mga ginatawag ug “Mobile Photography Enthusiasts”. Mao kini ang pag sikop (capture) ug usa ka imahe gamit ang kamera sa ilang selpon ( mobile phone camera) samtang nag lakaw-lakaw.

IMG_20170526_155747-01.jpeg

Ang maong aktibidad, nasugdan gikan sa Museo Sugbo, Plaza Independencia, Compania-Maritima, Senior Citizen Park, Magellan’s Cross, Basilica Minore  Del Sto Niño paingon sa Cebu Heritage Park. 

Sa among pag-abot sa Cebu Heritage Park, among naatlan ang taknang alas-sais, diin mahimo na namong magamit ang among mga indibidwal nga tiket sa Gabii Sa Kabilin 2017. Wala gayud nag langay-langay ang grupo ug una namong gibisita ang maanyag nga Casa Gorordo Musuem.

IMG_20170526_184238-01.jpeg

Casa Gorordo Museum

Sa among pagsulod sa maong musiyo, among nasaksihan ang usa ka presentasyon mahitungod sa kinabuhi sa unang mga Bisaya hilabi na ang ginatawag ug Gingharian Sa Sugbo (Rajahnate of Cebu). Sa maong presentasyon, akong nakita ang paagi sa pagpuyo sa Hari nga si Rajah Humabon. Gawas niini, nadungagan ang akong dyutang alamag mahitungod sa kasaysayan sa Sugbo.

IMG_20170526_190231-01.jpeg

IMG_20170526_190144-01.jpeg

Gawas niana, giduyog usab akong kasing-kasing inubanan sa mga maanindot nga presentasyon nga giandam sa mga cultural dance performance gikan sa nagkalain-laing unibirsidad sa Sugbo.

IMG_20170526_190842-01.jpeg

Cultural Show Presentation @Casa Gorordo Museum

Pagkahuman sa maong presentasyon, wala kami nagdugay sa paglakaw paingon sa sunod nga musiyo. Sunod namong gibisita mao ang Museo Parian-1730 Jesuit House.

Samtang kami naglakaw paingon sa sunod namong bisitahon, usa ka grupo sa mga kabatan-unan ang nihatag nako ug usa ka dakong pahiyom. Nakita ko ang ilang pag-plano kung unsa ang una nilang bisitahon sa ilang pagsalmot sa Gabii Sa Kabilin. Nakita ko ang ilang kahinaman sa pag libod sa nagkalain-laing musiyo.

IMG_20170526_183245-01

Sama usab sa akong gibati, ako mismo naghinam-hinam nga muabot sa 1730 Jesuit House kay mao kini ang unang higayon nga akong masulod ang maong musiyo ug sa akong pag-sulod niini murag nagambak-ambak akong kasing-kasing sa kalipay sa dihang akong nakita ang mga maanyag nga hulagway sa nagkalain-laing rebolto sa Santos.

IMG_20170526_182551-01

18th-century Yap-Sandiego ancestral house: Photo was taken when we are on our way to 1730 Jesuits House .

Gawas niini, akong nakita ang mga maanindot nga karaang butang sama sa telpono, typewriter, lamesa, bangko, camera ug uban pa.

IMG_20170526_192814-01

The view of Parian Church before it was demolished

Apan usa sa mga nipasubo sa akong gibati mao ang akong pagkakita sa Sa Juan Bautista Church o Parian Church. Gibati ako ug kagool sa dihang akong nabasahan ang kasaysayan niining maanyag nga simbahan. Makingon kita ug sayang apan wala na kitay mahimo kung dili atung pasalamatan ang mga kaagi ug atu kini tagaan ug importansya.

IMG_20170526_192752-01.jpeg

The Parian Church

IMG_20170526_194054-01.jpeg

The sculpture of Saint Ignatius Loyola

Pagkahuman sa among pagduaw sa maong musiyo.Ang grupo ni desisyon nga mulahos sa JRG Halad Museum. Kini usab mao ang unang higayon nga akong madungaw ang maong musiyo ug ako nahikurat sa akong pagsulod sa maong lugar. 

IMG_20170526_202623-01.jpeg

Samtang ako nag-libod sa ikaduhang andana sa musiyo. Adunay usa ka imahe sa balaang bata nga akong nakita nga ginama sa kahoy ug ivory. Nasorpresa ako ug dako niini mahitungod sa ka dugayon sa maong imahe. Apan, mas nahikurat ko ug dako sa dihang akong nahibaluan nga ang JRG Halad Museum mao lamang ang nag-inusarang musiyo sa Kabisay-an mahitungod sa musika hilabi na Cebuano music and composers.

IMG_20170526_203108-01.jpeg
Sa akong pagsaka sa ikatulong andana sa musiyo adunay laing presentasyon nga nipapukaw sa akong kasing-kasing kung unsa kaanindot ang mga kanta ginama sa bisaya. Nipakpak ug kusog akong duha ka mga kamot human ko nabati ang kantang Usahay nga giduyugan sa UV Chorale.

IMG_20170526_204639-01

Hearing the amazing voices of UV Chorale

Gawas niana, ila usab gipakita ang kinabuhi ang kinabuhi sa mga babayeng bisaya pinaagi sa pag-sayaw ug “Palo-Palo Dance”.IMG_20170526_204143-01.jpeg

IMG_20170526_203910-01.jpeg

Usa ka dakong ngisi akong nahiaguman human ko masaksihan ang kasinatian sa mga babaye kaniadto. Ilang gipakita sa maong pasundayag ang kalipay ug kahugyaw kaniadto kung sila manglaba sa sapa.

IMG_20170526_203822-01.jpeg

Pagkahuman sa maong pasundayag akong gidool ang usa sa mga performers ug ako kining gilamano. Wala ko kasabot sa akong gibati sa dihang nigawas na kami sa maong musiyo.

IMG_20170526_184444-01.jpeg

Human sa taas nga adlaw sa paglibod sa mga musiyo malipayon ko nga nakasalmot sa maong kalihukan kay akong napaghandurawan ang maanyag nga Sugbo! Gikan sa tradisyon, kultura, musika ug uban pa. Nadungagan usab ang akong nahibaluan mahitungod sa kaagi o istorya bahin sa Sugbo. Istorya nga angay idalit sa uban ilabi na sa kabatan-unan.

18813633_615988701940427_5678387040737547577_n.jpg

Cebu Bloggers and Photo Enthusiast joins Gabii Sa Kabilin 2017

Sa akong pagsalmot niining Gabii Sa Kabilin, dili ko gayud pagasipyaton nga ako musalmot niini matag tuig.

Maayong Gabii Sa Kabilin Sugbo!


Disclaimer: I wrote this blog in dialect in order for every Cebuano readers feel the essence of being a Cebuano and how beautiful it is. If you want to read this article in English. Just look for the translator tab/button on the page.

If you’re a proud Cebuano please do share this on social medias. Also, don’t forget to follow me on Facebook  and Instagram.

One Comment on “Gabii Sa Kabilin 2017: Pag-handuraw Sa Karaang Sugbo (A Night Of Reminiscing The Old Cebu)

  1. The Gabii sa Kabilin is the perfect event for people who want to learn more about Cebuano culture. We used to join the GsK for a few years, but now that we work night shift, we can’t allot time to attend it. Would love to experience GsK again. 🙂

Leave a Reply

%d bloggers like this: